काठमाण्डौं: नेपाली क्रिकेटमा नयाँ कप्तानी अध्याय सुरु भएको छ। नेपाल क्रिकेट संघ (CAN) ले फरक-फरक फर्म्याटका लागि फरक कप्तानको रणनीति अपनाउँदै टी-२० अन्तर्राष्ट्रिय (T20I) टोलीको कप्तानी अलराउन्डर
दिपेन्द्र सिंह ऐरी लाई सुम्पेको छ भने एकदिवसीय (ODI) टोलीको नेतृत्व स्टार लेग स्पिनर
सन्दीप लामिछाने ले गर्ने भएका छन्।
त्यस्तै, नेपाल ‘ए’ टिमको कप्तानी अनुभवी विकेटकिपर-ब्याट्सम्यान अनिल कुमार साह ले गर्नेछन्। यो निर्णयले नेपाली क्रिकेटमा नयाँ जोश, अनुभव र नेतृत्वको सन्तुलन ल्याउने अपेक्षा गरिएको छ। तीनै जना कप्तानलाई समर्थकले सामाजिक सञ्जालमा बधाई दिँदै आगामी सिरिजका लागि शुभकामना व्यक्त गरिरहेका छन्।
