रास्वपाले खुलायो 'नगरपालिका क्यान्डिडेट क्लब'को आवेदन

पार्टीले आजदेखि आवेदन खुला गरिएको जानकारी दिँदै स्थानीय तहको निर्वाचनमा नेतृत्व लिन इच्छुक योग्य नागरिकहरूलाई आवेदन दिन आह्वान गरेको हो। यस अन्तर्गत इच्छुक व्यक्तिहरूले नगरपालिकाको प्रमुख, उपप्रमुख, वडाध्यक्ष तथा वडा सदस्य पदका लागि उम्मेदवारी दिन आवेदन दिन सक्नेछन्।

उहाँका अनुसार लामो समयदेखि पार्टीमा रहेर योगदान गरेका नेता–कार्यकर्तालाई उम्मेदवारीमा प्राथमिकता दिइने भए पनि नयाँ तथा क्षमतावान व्यक्तिका लागि पनि ढोका खुला राखिनेछ। साथै, यसअघि कसैलाई टिकट दिने भन्दै दिइएका सबै आश्वासन खारेज भएको उहाँले बताउनुभयो।

"क्यान्डिडेट क्लबबिना कोही पनि उम्मेदवार बन्न सक्नुहुन्न," लामिछानेले भन्नुभयो।

पार्टीले योग्य, इमानदार र सक्षम उम्मेदवार छनोट प्रक्रियालाई व्यवस्थित बनाउने उद्देश्यसहित 'क्यान्डिडेट क्लब' अवधारणा अघि सारेको हो। स्थानीय तहमा सक्षम, योग्य र पारदर्शी नेतृत्व स्थापित गर्ने उद्देश्यसहित यो कदम चालिएको पार्टीले जनाएको छ।